. *|| श्री लक्ष्मी वंदना द्वादशी ||*
. *छंद : भुजंग प्रयात*
. *रचना: जोगीदान गढवी (चडीया)*
तुंही मात हो सात वा रत्न सांणी
तुंही को हरी वाम हाथां वखांणी
तुंही तुं मनो मंथने जग्ग मांणी
सुता सागरा तु प्रकत्तीय पांणी. ||01||
सुरी तुं सदा सत्त करमो करावे
प्रजा हीत्त पुन्याय धरमो धरावे
असुरीय तुं डाकणी सी डरावे
फगी मग्ग से जग्ग सारो फरावे.||02||
असुरां अधूरां तवां तेज तारे
छुपे पाप सारां धरा मांन धारे
मुसद्दी बणे तो मगां मध्ध मारे
अही कारणां पारणां सु पुकारे.||03||
सरन्नांय चाहे सदा जग्ग सारा
परी भीर तो मां प्रजा मे पसारा
तिनो लोक मे ताम धामा तिहारा
असां ओरडे मां दीयो पांव प्यारा.||04||
जती जोगडा तो खडा मा खलक्के
पडा आखडा तुं ऊठाया पलक्के
सदा नेह मातूं चखां मे छलक्के
जगे लक्षमी नाम तोळो जलक्के.||05||
लीयां चारणां वारणां मां उचारी
नमो नारणां धारणां वाम धारी
कई कारणां दारणां दक्ख दारी
बिठो बारणां तारणां री तियारी.||06||
जपे नित जो जाप तोळा जनेता
प्रथीपे दीये राज प्यारा प्रनेता
भली भात पुरीय सुरी समेता
लीखे लेखणींसुं कहे गुंण केता.||07||
अदी धान धैरी धरो बाल धन्ना
गजां लक्खमी मात विद्या वरन्ना
धनां विज्जया आठ माताय अन्ना
जणी जोगडा आश तुही तमन्ना.||08||
सदा चारणां धारणां रेम राखो
कबु कुळ ने ना जरा दक्ख दाखो
जता किन्न जुन्ना नवे नेंण नाखो
भवानी भलायुं भलायुं ज भाखो.||09||
अखंडाय आयल्ल आशिश आपो
नवे निद्ध सिद्धि विसोतीन व्यापो
जुवो जोगडो मां जपे तम्म जापो
कुळां चारणांरा कहट्टांय कापो.||10||
दधी सुत्त देविय केवी क्रपाळी
सदा शेस के देश भावेय भाळी
सजे नाथ के साथ वामा वडाळी
सीता मात तुं रुख मिन्नि रुपाळी.||11||
सुराळी सदा शारदा संग साता
विडाळी वदां चारणां री विधाता
दियाळी तुंही जोगी दांनाय दाता
पीयाळी प्रथी व्योम प्रामेे पुजाता.||12||
(जोगीदान गढवी (चडीया)कृत लक्ष्मी वंदना द्वादशी )
कोई टिप्पणी नहीं:
एक टिप्पणी भेजें